Featured Post

അടയ്ക്ക ബിസിനസ് - 1

                                      ഒന്നാം ഭാഗം: തമ്പി ഉച്ചയോടു അടുത്ത സമയം. മര്യാദാമുക്കിൽ ഏതാനും പേർ സൊറ പറഞ്ഞിരിക്കുന്നുണ്ട്. അപ്പോൾ...

Wednesday, March 17, 2010

ബ്ലോഗനയിലെ കടത്തുവഞ്ചി

മനസ്സിലാക്കിയിടത്തോളം മനുഷ്യന്റെ മാനസികാവസ്ഥ സമയ, കാലബന്ധിതമാണ്. വ്യതിയാനനിലകളിലെ ഏറ്റക്കുറച്ചിലുകൾ അടിസ്ഥാനമാക്കി വീക്ഷിച്ചാല്‍ അത് വൈവിധ്യങ്ങളുടെ കലയാണെന്നു പറയേണ്ടിവരും. ആ കലയ്ക്കു അഴകു നൽകുന്ന ഘടകങ്ങളത്രെ സന്തോഷം, സന്താപം തുടങ്ങി നിസംഗത വരെയുള്ള മാനുഷികവികാരങ്ങൾ. മനുഷ്യമനസ്സിനു എത്തിപ്പിടിക്കാവുന്ന എല്ലാം അതിലുണ്ട്.

ഞാനും ആ കലയെ അറിഞ്ഞിട്ടുണ്ട്. ഏറ്റക്കുറച്ചിലുകള്‍ അധികമില്ലാതിരുന്നതിനാല്‍ അതിന്റെ ആകര്‍ഷണീയത എന്നില്‍ തീരെ പ്രകടമായിരുന്നില്ലെന്നു മാത്രം. സന്താപമെന്ന ഋജുരേഖയില്‍ തളച്ചിടപ്പെട്ട ഒരുപാട് നാളുകൾ, ഋതുക്കൾ, വര്‍ഷങ്ങൾ. ഒടുക്കം ആ ഋജുരേഖയുടെ ചാരുത(?)ക്കു ഭംഗം വരുത്തി ഇതാ ഒരു സ്പൈക്ക്... സന്തോഷത്തിന്റെ ഒരു ഉയര്‍ന്ന ഹൈക്ക്!

'എന്റെ ഉപാസന'യില്‍ പബ്ലിഷ് ചെയ്ത 'കടത്തുവഞ്ചിയും കാത്ത്' എന്ന കഥ മലയാളത്തില്‍ ഗൗരവമായ വായനയെ പ്രതിനിധീകരിക്കുന്ന ‘മാതൃഭൂമി ആഴ്ചപ്പതിപ്പി‘ന്റെ ബ്ലോഗന പംക്തിയിൽ!




കാത്തോളണേ പിതൃക്കളേ...

15 comments:

  1. മാതൃഭൂമി വാരികയുമായുള്ള സഹവാസം തുടങ്ങിയിട്ടു കൊല്ലം പതിനഞ്ചോളമാകുന്നു. തുടക്കം പനമ്പിള്ളി സ്മാരക വായനശാലയിലായിരുന്നു. ഇപ്പോള്‍ തുടരുന്നത് ഉദ്യാനനഗരിയിലും. എവിടെയായാലും തുടര്‍ച്ച ആനന്ദിപ്പിക്കുന്നു.

    ഇതൊരു പിറന്നാള്‍ സമ്മാനം കൂടിയാണ്. ‘മീനത്തില്‍ അശ്വതി‘യില്‍ ജനിച്ചവന് മാതൃഭൂമി സമ്മാനിച്ച പിറന്നാള്‍ സമ്മാനം.

    എല്ലാവര്‍ക്കും പ്രണാമം.
    :-)
    എന്നും സ്നേഹത്തോടെ
    സുനില്‍ || ഉപാസന

    ReplyDelete
  2. മാതൃഭൂമി കണ്ടു.
    അഭിനന്ദനങ്ങൾ!

    ReplyDelete
  3. ആശംസകള്‍, ഡാ

    ReplyDelete
  4. മീനത്തിലെ അശ്വതിക്കാരന് പിറന്നാളാശംസകളും ഒപ്പം ഒരായിരം അഭിനന്ദനങ്ങളും!

    ReplyDelete
  5. അഭിനന്ദനങ്ങൾ.

    ReplyDelete
  6. HEI....CONGRAATZZ.....I'M ALSO A FOLLOWER OF UR LANGUAGE...PLEASE KEEP COMMENTS ON MY WORKS ALSO...I VALUE YOUR COMMENTS......

    ReplyDelete
  7. കടത്തുവഞ്ചി മാത്രുഭൂമിയില്‍ വായിച്ചിരുന്നു.
    വഞ്ചിക്കുടയോനെ കണ്ട് നല്ലവാക്ക് പറയാന്‍ പറ്റൂന്ന് അന്ന് കരുതിയില്ല.
    ഉപാസന തുടരട്ടെ.
    സമയ കാലബന്ധിതം എന്ന പ്രയോഗത്തില്‍ വല്ല പ്രശ്നോം ഉണ്ടോ.

    ReplyDelete
  8. അഭിനന്ദനങ്ങൾ......
    ആശംസകള്‍..............

    ReplyDelete
  9. അഭിനന്ദനങ്ങൾ......

    ReplyDelete